Իրանում մեկ օրում ապաքինվածների թիվն ավելացել է 2 հազար 497-ով
14:57, 9 Ապրիլ 2020
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Իրանում կորոնավիրուսի ապրիլի 9-ի վիճակագրական տվյալների համաձայն, նախորդ օրվա համեմատ վարակակիրների թիվն ավելացել է 1634-ով՝ հաստատված դեպքերի ընդհանուր թիվը կազմելով 66 հազար 220:
«Արմենպրես»-ի հաղորդմամբ, այս մասին տեղեկացնում է ԻԻՀ-ում Հայաստանի դեսպանատունը:
Մահացածների թիվն ավելացել է 117-ով: Երկրում վարակի բռնկումից ի վեր կորոնավիրուսի հետևանքով մահացել է 4 հազար 110 մարդ:
Վարակվածներից 3 հազար 918 մարդ գտնվում է ծանր վիճակում:
Իրանում մեկ օրում ապաքինվածների թիվն ավելացել է 2 հազար 497-ով՝ ընդհանուր թիվը կազմելով 32 հազար 309:
Բաժանորդագրվեք մեր ալիքին Telegram-ում