Սուրենյանը կոչ է անում գյուղացիներին ծածկել ջերմոցային տնտեսությունները․ օդի ջերմաստիճանը կնվազի
13:13, 8 Ապրիլ 2020
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ։ Տավուշի, Սյունիքի և Արցախի հովտային գոտիներում ապրիլի 8-ի լույս 9-ի գիշերը օդում սպասվում է -2․․․-3, հողի մակերևույթին -4․․․-5 աստիճան ցուրտ։
«Արմենպրես»-ի հաղորդմամբ՝ «Ֆեյսբուք»-ի իր էջում գրել է ՀՀ ԱԻՆ Հիդրոմետ ծառայության օդերևութաբանության կենտրոնի պետ Գագիկ Սուրենյանը։
«Արարատյան դաշտում և նրա նախալեռնային գոտում օդում հնարավոր է -1․․․-2, հողի մակերևույթին -3․․․-4 աստիճան ցուրտ։
Հարգելի գյուղատնտեսներ, կրկին հիշեցնում ենք՝ ծածկեք ջերմոցային տնտեսությունները և հնարավորության դեպքում կատարեք ջեռուցում»,- գրել է Սուրենյանը։
Բաժանորդագրվեք մեր ալիքին Telegram-ում