Ազգային ժողովը հեռավար քննարկում կանցկացնի հեռավար կրթության վերաբերյալ
21:08, 7 Ապրիլ 2020
ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ։ ՀՀ Ազգային ժողովի գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը հեռավար կրթության վերաբերյալ հեռավար քննարկում կիրականացնի։
«Արմենպրես»–ի փոխանցմամբ` այս մասին հայտնում է խորհրդարանի պաշտոնական կայքը։
«Ապրիլի 9-ին՝ ժամը 10:00-ին, ԱԺ 334 սրահում ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախաձեռնությամբ կանցկացվի «Հեռավար կրթության մարտահրավերներն ու հնարավորությունները արտակարգ իրավիճակի պայմաններում» թեմայով հեռավար քննարկում, որի ուղիղ հեռարձակմանը կարող եք հետեւել ԱԺ պաշտոնական ինտերնետային կայքէջի «Լուրեր» բաժնում»,– նշված է հայտարարության մեջ։
Բաժանորդագրվեք մեր ալիքին Telegram-ում