1000х90.jpg (78 KB)

Երևանում՝ 11:07,   29 Մարտ 2024

Հեռավար ուսուցումն ավելի հեշտ դարձնելու համար գործարկվել է էլեկտրոնային մատյան

Հեռավար ուսուցումն ավելի հեշտ դարձնելու համար գործարկվել է էլեկտրոնային 
մատյան

ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ։ ՀՀ կրթության, գիտության, մշակույթի և սպորտի նախարարությունը, նոր տիպի կորոնավիրուսի տարածումը կանխելու նպատակով հայտարարված արտակարգ դրության ժամանակ, հեռավար դասընթացներն ավելի դյուրին դարձնելու համար գործարկել է էլեկտրոնային մատյան։

«Արմենպրես»-ի հաղորդմամբ՝ այս մասին մամուլի ասուլիսի ժամանակ ասաց ՀՀ ԿԳՄՍ փոխնախարար Ժաննա Անդրեասյանը։

«Մենք գոծարկել ենք էլեկտրոնային մատյան, որը հնարավորություն է տալիս արձանագրել, թե ինչպես են իրականացվում հեռավար դասերն առանձին դպրոցներում, ինչպիսի աշխատանք են կատարում ուսուցիչները։ Ուսուցիչների 80 տոկոսն արդեն գրանցված է էլեկտրոնային մատյանի հարթակում»,- նշեց Անդրեասյանը։

Նրա խոսքով՝ ընդհանուր առմամբ մարզերից ստացված տեղեկությունների համաձայն հեռավար կրթության գործընթացում մասնակցում է աշակերտական համակազմի ավելի քան 80 տոկոսը։

ՀՀ կառավարությունը Հայաստանում նոր տիպի կորոնավիրուսի տարածումը կանխելու նպատակով արտակարգ դրություն հայտարարեց 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն։ Երկրում գործում է խսիտ սահմանափակումների ռեժիմ։

Արտակարգ դրության հայտարարելուց հետո Հայաստանում միառժամանակ փակվել են բոլոր ուսումնական հաստատությունները, ինչի հետևանքով բոլոր աշակերտներն ու ուսանողներն անցել են հեռավար կրթության։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]