Ժամանակը Երևանում՝ 11:07:36,   5 Հուլիս

Կորոնավիրուսի նոր դեպքերի թիվն ավելացել է 20-ով, առողջացել է ևս 25 քաղաքացի

Կորոնավիրուսի նոր դեպքերի թիվն ավելացել է 20-ով, առողջացել է ևս 25 քաղաքացի

ԵՐԵՎԱՆ, 7 ԱՊՐԻԼԻ, ԱՐԵՄՆՊՐԵՍ: Հայաստանում առաջին անգամ կորոնավիրուսից մեկ օրում առողջացած պացինտների թիվն ավելի է, քան արձանագրված նոր դեպքերի թիվը. դեպքերն ավելացել են 20-ով, առողջացել է 25 պացիենտ: «Արմենպրես»-ի հաղորդմամբ՝ այս մասին իր ֆեյսբուքի ուղիղ եթերում հայտնեց ՀՀ վարչապետ Նիկոլ Փաշինյանը:

«Երեկվա դեպքերը, նոր դեպքերը 20-նն են: Նախորդ օրվա հետ համեմատած ավելի շատ են (նախորդ օրը 11 էր-խմբ:): Իհարկե թեստերը մի քիչ ավելի քիչ են, թեստերի քանակը 211 է, բայց առողջապահության նախարարութունը և պարետատունը կարծում են, որ երեկվա մեր գնահատականը շարունակում է պահպանվել»,-ասաց Փաշինյանը: Նախորդ օրը վարչապետը լավատեսական գնահատական էր հնչեցրել, որ եթե ամբողջ շաբաթ հնարավոր լինի պահպանել դրական միտումները, երկուշաբթի օրվանից կարելի է մտածել սահմանափակումների մեղմման մասին:

Փաշինյանը նշեց՝ ապրիլի 6-ը, ըստ էության, բացառիկ օր է եղել նրանով, որ փաստորեն առողջացումով դուրս գրված պացիենտներն ավելի շատ են եղել առաջին անգամ, քան նոր ախտորոշումները: Փաշինյանը նաև նշեց, որ խորհրդակցություն են ունեցել, և թե Առողջապահության նախարարությունը, թե պարետը պահպանում են զգուշավոր լավատեսությունը:

Հայաստանում ապրիլի 6-ի՝ ժամը 11:00-ի դրությամբ կորոնավիրուսի հաստատված դեպքերի ընդհանուր թիվը 833 էր, արձանագրվել էր մահվան 8 դեպք: Ապաքինվածների թիվը 62 էր: Այսինքն կորոնավիրուսի ընդհանուր դեպքերի թիվը Հայաստանում այս պահին 853 է: Ապաքինվածների թիվը ՝87:

ՀՀ կառավարությունը Հայաստանում արտակարգ դրություն է հայտարարել: Արտակարգ դրությունը գործում է Հայաստանի Հանրապետության ամբողջ տարածքում 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն: Երկրում գործում է խիստ սահմանափակումների ռեժիմ։ 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ