Գյումրիում արձանագրվել է էլեկտրահարության դեպք. տուժածներից մեկի վիճակը ծայրահեղ ծանր է
ԳՅՈՒՄՐԻ, 5 ԱՊՐԻԼԻ, ԱՐՄԵՆՊՐԵՍ: Շտապ բուժօգնության մեքենայով մարտի 5-ին «Գյումրի» բժշկական կենտրոն է տեղափոխվել էլեկտրահարված 2 տղամարդ։ Տուժածների ինքնությունը ճշտվում է: Նրանցից մեկի վիճակը ծայրահեղ ծանր է: Այս մասին «Արմենպրես»-ին տեղեկացրեց կենտրոնի գլխավոր բժիշկ Արմեն Խաչատրյանը:
«Նրանցից մեկը, այս պահին գտնվում է վերակենդանացման բաժանմունքում՝ անգիտակից, ծայրահեղ ծանր վիճակում. առկա են հոսանքի մուտքի և ելքի կետեր՝ սրտամկանի վնասվածք, իսկ մյուսի վիճակը միջին ծանրության է, հոսանքի ազդեցության հետքեր չկան։ Ունի գանգուղեղային վնասվածք, ուղեղի ցնցում և սալջարդ: Հավանաբար վնասվել է հարվածի ալիքից: Վերջինս գտնվում է վիրաբուժական բաժանմունքում »- նշեց Արմեն Խաչատրյանը:
Դեպքի հանգամանքները ճշտվում են։
Արմենուհի Մխոյան
Բաժանորդագրվեք մեր ալիքին Telegram-ում