ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ: 1913 թ. այս օրը ծնվել է Ազատ Շերենցը՝  հայ նշանավոր դերասան, հայկական կինեմատոգրաֆիկ կատակերգության հիմնադիրներից մեկը։ ՀԽՍՀ ժողովրդական արտիստ:

*           1993 թ. այս օրը Արցախյան ազատամարտի ժամանակ Հայկական զինված խմբավորումները ծանր մարտերից հետո դուրս եկան Օմարի լեռնանցքի մոտ։ Ադրբեջանական բանակը մեծ կորուստներ տալով, անցավ Մռավի լեռնաշղթան, թողնելով Քելբաջարի շրջանը։ Հայերը գրավեցին Քելբաջարը Գանձակին միացնող խաչմերուկը:

*           1953 թ. այս օրը Երեւանում բացվել է Հովհաննես Թումանյանի տուն-թանգարանը։

*           Մ. թ. ա. 56 թ.այս օրը Հուլիոս Կեսարը, Մարկոս Կրասոսը եւ Գնեոս Պոմպեոսը կազմեցին առաջին Հռոմեական եռապետությունը:

*           1998 թ. այս օրը շահագործման հանձնվեց աշխարհի ամենաերկար կախովի կամուրջը` Ակասի Կայկիոն (երկարությունը՝ 3911 մ):

*           1908 թ. այս օրը ծնվել է Բեթ Դեյվիսը՝ ամերիկացի նշանավոր դերասանուհի, 11 անգամ ներկայացվել է «Օսկարի», ստացել՝ 2-ը: