Ժամանակը Երևանում՝ 11:07:36,   28 Մայիս

Պարետը սահմանափակել է 64 բժշկական արտադրատեսակի արտահանումը Հայաստանից

Պարետը սահմանափակել է 64 բժշկական արտադրատեսակի արտահանումը 
Հայաստանից

ԵՐԵՎԱՆ, 3 ԱՊՐԻԼԻ, ԱՐՄԵՆՊՐԵՍ։ Հայաստանի Հանրապետության փոխվարչապետ, արտակարգ դրության ռեժիմի պարետ Տիգրան Ավինյանը նոր որոշում է ընդունել որոշ ապրանքների համար արտահանման և ներմուծման ժամանակավոր սահմանափակումների վերաբերյալ։ «Արմենպրես»-ի փոխանցմամբ՝ որոշման մեջ նշվում է, որ ժամանակավորապես սահմանափակվում է 64 բժշկական արտադրատեսակի արտահանումը Հայաստանի Հանրապետությունից, այդ թվում` ԵԱՏՄ։ Ընդ որում՝ սույն որոշման հավելվածում նշված բժշկական արտադրատեսակների արտահանումը կարող է Պետական եկամուտների կոմիտեի կողմից թույլատրվել՝ հիմք ընդունելով Հայաստանի Հանրապետության առողջապահության նախարարության գրավոր համաձայնությունը արտահանման ենթակա ապրանքատեսակների և դրանց չափաքանակների վերաբերյալ։

Համաձայն որոշման՝ Իրանի Իսլամական Հանրապետության և Հայաստանի Հանրապետության միջև բոլոր տեսակի ապրանքների փոխադրումն (արտահանում, ներմուծում, տարանցում) իրականացվում է հաշվի առնելով «Մեղրի» անցումային կետի բացթողումային հնարավորությունները և փոխադրվող ապրանքատեսակների չափաքանակներն ու առանձնահատկությունները։ Ըստ որոշման՝ թույլատրվելու է Ռուսաստանի Դաշնությունից կամ Վրաստանից Հայաստանի Հանրապետության տարածքով Իրանի Իսլամական Հանրապետություն բեռնափոխադրումներ իրականացնող տրանսպորտային միջոցների վերադարձը Ռուսաստանի Դաշնություն կամ Վրաստան։

Պարետի որոշմանը առավել մանրամասն կարող եք ծանոթանալ հետևյալ հղումով։





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ