1000х90.jpg (78 KB)

Երևանում՝ 11:07,   28 Մարտ 2024

Ավազակային հարձակում Սյունիքում. երկու անձի մեղադրանք է առաջադրվել

Ավազակային հարձակում Սյունիքում. երկու անձի մեղադրանք է առաջադրվել

ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ։ 2020թ. մարտի 31-ին՝ ժամը 10:33-ին, Սյունիքի մարզի բնակչից ահազանգ է ստացվել այն մասին,  որ իր հարևանի տուն ինչ-որ մարդիկ են մտել և կատարել գողություն: «Արմենպրես»-ին այս մասին հայտնեցին ՀՀ քննչական կոմիտեի տեղեկատվության և հասարակայնության հետ կապերի բաժնից։

Դեպքի առթիվ ՀՀ քննչական կոմիտեի Սյունիքի մարզային քննչական վարչության Սիսիանի քննչական բաժնում հարուցված քրեական գործով իրականացված քննությամբ պարզվել է, որ Սյունիքի մարզի բնակիչը, համագյուղացի կնոջ նկատմամբ ավազակային հարձակում գործելու շուրջ նախնական համաձայնության գալով իր ծանոթի հետ, 2020թ. մարտի 30-ին դարանակալել է դրսում, իսկ ծանոթը, լոգարանի ապակին հանելու եղանակով, ապօրինի մուտք է գործել վերը նշված կնոջ բնակարան և խոհանոցային դանակի գործադրմամբ վերջինիս կյանքի համար վտանգավոր բռնություն գործադրելու սպառնալիքով, հափշտակել է ոսկյա և արծաթյա զարդեր, ինչպես նաև բջջային հեռախոս՝ պատճառելով զգալի չափերի գույքային վնաս, որից հետո երկուսով դիմել են փախուստի:

Ձեռք բերված բավարար ապացույցների համակցությամբ՝ ենթադրյալ հանցագործություն կատարած անձանցից մեկին մեղադրանք է առաջադրվել՝ ՀՀ քրեական օրենսգրքի 175-րդ հոդվածի (ավազակություն) 2-րդ մասի 3-րդ և 4-րդ կետերով, իսկ մյուսին՝ ՀՀ քրեական օրենսգրքի 38-175-րդ հոդվածի (ավազակության հանցակցություն) 2-րդ մասի 3-րդ և 4-րդ կետերով:

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]