Կառավարությունը Հ. Թումանյանի անվան պետհամալսարանի ռեկտորի պաշտոնում հաստատեց Ռուստամ Սահակյանին
ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ: Կառավարությունը հաստատեց «Վանաձորի Հ. Թումանյանի անվան պետական համալսարան» հիմնադրամի ռեկտորի պաշտոնում Ռուստամ Ռաֆիկի Սահակյանի ընտրության արդյունքները:
«Արմենպրես»-ի փոխանցմամբ, որոշման հիմնավորման մեջ նշվում է, որ 2020 թվականի մարտի 1-ին կայացել է Վանաձորի Հ․Թումանյանի անվան պետական համալսարանի հոգաբարձուների խորհրդի նիստը, որին մասնակցում են խորհրդի բոլոր՝ 24 անդամները:
Փակ, գաղտնի քվեարկության արդյունքում քվեները 4 թեկնածուների միջև բաշխվել են հետևյալ կերպ՝ Ռուբիկ Դալլաքյան՝ 1 կողմ , Ստեփան Ստեփանյանց՝ 1 կողմ, Ռուստամ Սահակյան՝15 կողմ, Զարուհի Վարդանյան՝ 6 կողմ, բոլորին դեմ՝ 1:
Ռեկտորն ընտրվում է ՀՀ օրենսդրությամբ և բարձրագույն ուսումնական հաստատության կանոնադրությամբ սահմանված բաց մրցույթի կարգով՝ ուսումնական հաստատության խորհրդում, գաղտնի քվեարկությամբ, 5 տարի ժամկետով:
Բաժանորդագրվեք մեր ալիքին Telegram-ում