Շիրակի մարզպետարանի աշխատակիցները հրաժարվում են պարգևավճարներից
ԳՅՈՒՄՐԻ, 1 ԱՊՐԻԼԻ, ԱՐՄԵՆՊՐԵՍ: Շիրակի մարզպետարանի աշխատակիցները հրաժարվում են պարգևավճարներից: Մարզպետի առաջարկով, 2020 թվականի պետական բյուջեով Շիրակի մարզպետարանի կառավարման ապարատին հատկացված մարտ ամսվա պարգևատրման ամբողջ գումարը՝ 8 մլն դրամ, ուղղվելու է մարզի մի շարք հաստատությունների համար ախտահանիչ և պաշտպանիչ միջոցներ ձեռք բերելու, ինչպես նաև ապրիլ ամսվա սոցիալական աջակցության հոդվածով նախատեսված գումարաները համալրելու նպատակին։
Այս մասին «Արմենպրես»-ին տեղեկացրին Շիրակի մարզպետարանի հանրային կապերի բաժնից՝ նշելով, որ առավոտյան մարզպետարանում անցկացվել է աշխատանքային խորհրդակցություն՝ մարզպետարանի ոլորտային պատասխանատուների մասնակցությամբ, որի ժամանակ քննարկվել են մարզում կորոնավիրուսի դեմ պայքարի միջոցառումների ընթացքը, ձեռնարկված քայլերն ու ծրագրերը, մոտակա աշխատանքների պլանավորման ձևաչափը։
Արմենուհի Մխոյան
Բաժանորդագրվեք մեր ալիքին Telegram-ում