Չեմպիոնների և Եվրոպայի լիգայի եզրափակիչները կարող են անցկացվել առանց երկրպագուների
17:18, 1 Ապրիլ 2020
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Ֆուտբոլի Չեմպիոնների և Եվրոպայի լիգայի եզրափակիչները կարող են անցկացվել առանց երկրպագուների:
«Արմենպրես»-ի հաղորդմամբ` այս մասին գրում է The Independent-ը: ՈՒԵՖԱ-ի ղեկավարությունը չի քննարկում եվրագավաթների եզրափակիչները չեղարկելը: Եվրոպական կառույցը մտածում է հնարավորինս շուտ դրանք վերսկսել:
Ավելի վաղ տեղեկություններ կային, որ Չեմպիոնների և Եվրոպայի լիգայի եզրափակիչները կկայանան օգոստոսին: Ֆինանսական կորուստների պատճառով ՈՒԵՖԱ-ն կեզրափակի մրցաշրջանը օգոստոսին, իսկ հաջորդ մրցաշրջանում առավել քիչ հանդիպումներ կլինեն:
Այս պահի դրությամբ Եվրոպայի և Չեմպիոնների լիգայի վերսկսումը հետաձգված է անորոշ ժամանակով:
Բաժանորդագրվեք մեր ալիքին Telegram-ում