Արթուր Ալեքսանյանը միացել է «Մնա տանը» չելենջին
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Օլիմպիական խաղերի, աշխարհի և Եվրոպայի չեմպիոն ըմբիշ Արթուր Ալեքսանյանը միացել է «Մնա տանը» չելենջին:
«Արմենպրես»-ի հաղորդմամբ` ինչպես համաշխարհային մի շարք աստղեր, այնպես էլ Ալեքսանյանը զուգարանի թղթով ֆուտբոլային հնարքներ է կատարել: Ի պատասխան գյումրեցի ըմբիշի ցուցադրած հնարքների՝ ՀՖՖ «Ինստագրամի» պաշտոնական էջը հումորային գրառում է կատարել՝ շեշտելով, որ Հայաստանի ֆուտբոլի ազգային թիմի նորանշանակ մարզիչ Խոակին Կապարոսի ուշադրության կենտրոնում է նաև Արթուր Ալեքսանյանը, և հաջորդիվ ազգային թիմի հավաքներին կարող ենք տեսնել նաև նրան:
«Մնա տանը» կամ #10touchesChallenge մեծ տարածում է գտել այս օրերին, երբ մարզական բոլոր միջոցառումները չեղարկված են, և մարզիկները տանն են իրենց ունակություններ ցույց տալիս:
Посмотреть эту публикацию в Instagram
Բաժանորդագրվեք մեր ալիքին Telegram-ում