«Հայաստանի Հանրապետություն» օրաթերթ․ Արցախը մարտի 31-ին նախագահ եւ խորհրդարան է ընտրելու
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: «Մարտի 31-ին, Արցախում նախատեսված են նախագահական ընտրություններ: Առաջադրված է 14 թեկնածու: Միայն այն փաստը, որ Արցախի նման փոքր պետական միավորի նախագահի ընտրություններում առաջադրվել են մեծաթիվ թեկնածուներ, արդեն հետաքրքիր է, եթե չասենք՝ տարօրինակ: Սա, թերևս, պայմանավորված է 2018-ին Հայաստանում տեղի ունեցած թավշյա հեղափոխությամբ եւ դրա արդյունքում թե՛ Հայաստանի, թե՛ Արցախի քաղաքական դաշտի ազատականացմամբ: Եթե նախկինում գոյություն ունեին արդեն ձևավորված քաղաքական բևեռներ, որոնք ինչպես տնտեսական, այնպես էլ քաղաքական դաշտերը մոնոպոլիզացրել էին ու պահում էին իրենց ազդեցության տիրույթում, 2018-ից հետո նախկինում հաստատված այդ կարգը խարխլվեց, ինչի արդյունքներին մենք այժմ ականատես ենք լինում՝ ի դեմս Արցախում անցկացվող նախագահական ընտրությունների համատեքստում գրանցված քաղաքական բազմազանության»:
Նյութն ամբողջությամբ կարդացեք թերթի վաղվա համարում։
Բաժանորդագրվեք մեր ալիքին Telegram-ում