ԵՐԵՎԱՆ, 30 ՄԱՐՏԻ,ԱՐՄԵՆՊՐԵՍ։ Հայաստանը համաշխարհային շուկայում բենզինի գնի ցուցանիշով զբաղեցնում է 35-րդ հորիզոնականը։ Այս մասին «Ֆեյսբուք»-ի իր էջում գրել է ՀՀ տնտեսական մրցակցության պաշտպանության պետական հանձնաժողովի մամուլի քարտուղար Անի Սմբատյանը։

«Աշխարհի 165 երկրներում բենզինի գների վերաբերյալ վիճակագրական տվայլների համաձայն՝ Հայաստանում ներկայում 1 լիտր 95 օկտանային թվով (պրեմիում) բենզինը վաճառվում է շուրջ 0.71 դոլարով (350 դրամ): Այս ցուցանիշով մեր երկիրը համաշխարհային շուկայում զբաղեցնում է 35-րդ հորիզոնականը, 11 հորիզոնականով առաջ անցնելով հարեւան Վրաստանից, որտեղ բենզինի 1 լիտրի գինը կազմում է 0.76 դոլար, Ռուսաստանում այն 0.58 դոլար է»,- գրել է Սմբատյանը։