Ոստիկանները անասնագողության դեպք են բացահայտել
14:13, 30 Մարտ 2020
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ։ Ոստիկանության Կումայրիի և Ախուրյանի բաժինների ՔՀԲ ծառայողները, գողություն կատարելու կասկածանքով մարտի 28-ին, ժամը 10։30-ին Գյումրիի Անտառավան փողոցից բերման են ենթարկել 26 և 44 տարեկան երկու քաղաքացիների։
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապի և լրատվության վարչությունից` նրանք խոստովանել են, որ մարտի 26-ի գիշերը, դռան փականը տեխնիկական միջոցների գործադրմամբ կոտրելով, Շիրակ գյուղի բնակչի անասնագոմից գողացել են 1 գլուխ եղջերավոր անասուն, որը հաջորդ օրը տեղափոխել են Արմավիրի մարզ և վաճառել:
Ձեռնարկվում են միջոցառումներ՝ գողոնը հայտնաբերելու ուղղությամբ:
Նախապատրաստվում են նյութեր:
Բաժանորդագրվեք մեր ալիքին Telegram-ում