ՀՀ կառավարությունը կընդունի հակաճգնաժամային երեք նոր փաթեթ
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ։ Հայաստաի Հանրապետության կառավարությունը մարտի 30-ի արտահերթ նիստի ընթացքում կընդունի հակաճգնաժամային ևս երեք փաթեթ։ Ինչպես հաղորդում է «Արմենպրես»-ը, այս մասին «Ֆեյսբուք»-ի իր էջում գրառում է կատարել ՀՀ վարչապետ Նիկոլ Փաշինյանը։
«Ժամը 12.00 տեղի կունենա կառավարության արտահերթ նիստ, որտեղ կընդունենք հակաճգնաժամային եւս 3 փաթեթ:
Այսպիսով, կառավարության կողմից ընդունված միջոցառումների թիվը կհասնի ութի: Նրանցից չորսը զուտ տնտեսական աջակցության բնույթ ունեն, չորսը՝ սոցիալական:
Կառավարության նիստին կարող եք հետեւել ուղիղ եթերում»,- գրել է վարչապետը:
Կորոնավիրուսի տարածման կանխարգելման նպատակով ինչպես աշխարհի շատ երկրներում, Հայաստանում ևս սահմանափակվել կամ որոշ դեպքերում ամբողջովին դադարեցվել է մի շարք տնտեսավարողների գործունեությունը, ինչը հանգեցրել է բացասական հետևանքների բազմաթիվ տնտեսավարողների մոտ: Ստեղծված իրավիճակում առավելագույնս տնտեսվարողներին և քաղաքացիներին աջակցելու նպատակով գործադիրը հաստատել է Կորոնավիրուսի հետևանքների հակազդման միջոցառումների համապարփակ ծրագիրը և տնտեսական հետևանքների չեզոքացման 5 միջոցառումները:
Բաժանորդագրվեք մեր ալիքին Telegram-ում