Օսկար Տաբարեսը 14 տարի Ուրուգվայի հավաքականը գլխավորելուց հետո հեռացվել է պաշտոնից
19:04, 28 Մարտ 2020
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Ուրուգվայի ֆուտբոլի հավաքականի գլխավոր մարզիչ Օսկար Տաբարեսը, 14 տարի գլխավորելով ընտրանին, հեռացվել է պաշտոնից:
«Արմենպրես»-ի հաղորդմամբ` Ուրուգվայի ֆուտբոլի ասոցացիան որոշում է կայացրել խզել պայմանագիրը 400 աշխատակիցների, այդ թվում՝ Տաբարեսի հետ:
Պատճառը կորոնավիրուսի պանդեմիան է և ֆինանսական խնդիրները, որոնք առաջացել են համավարակի հետևանքով:
73-ամյա Օսկար Տաբարեսը Ուրուգվայի հավաքականի գլխավոր մարզիչն էր 2006 թվականից: Նրա գլխավորությամբ թիմը 2011 թվականին դարձել է Copa America-ի հաղթող:
Բաժանորդագրվեք մեր ալիքին Telegram-ում