Ձանիոլոն Մխիթարյանին ֆենոմենալ ֆուտբոլիստ է համարում
17:48, 28 Մարտ 2020
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Իտալիայի ֆուտբոլի ազգային թիմի և «Ռոմա»-ի կիսապաշտպան Նիկոլո Ձանիոլոն Հայաստանի ֆուտբոլի ազգային հավաքականի ավագ Հենրիխ Մխիթարյանին ֆենոմենալ ֆուտբոլիստ է համարում:
«Հենրիխ Մխիթարյանը մեծ, ֆենոմենալ ֆուտբոլիստ է։ Նա մեծ ֆուտբոլիստ է խաղադաշտում, և մեծ մարդ խաղադաշտից դուրս»,-«Արմենպրես»-ի հաղորդմամբ` Ձանիոլոյի խոսքերը փոխանցում է Mediagol.it կայքը:
Հենրիխ Մխիթարյանը «Ռոմա» տեղափոխվեց ընթացիկ մրցաշրջանի մեկնարկին: «Գայլերի» կազմում հայ ֆուտբոլիստը դարձել է 6 գոլի և 3 գոլային փոխանցման հեղինակ:
Բաժանորդագրվեք մեր ալիքին Telegram-ում