Հրդեհ բնակարանում. տուժածներ չկան
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ։ Ճգնաժամային կառավարման ազգային կենտրոն մարտի 27-ին, ժամը 23:55-ին ահազանգ է ստացվել, որ Երևանի Սասունցի Դավիթ փողոցի թիվ 70/2 շենքի բնակարաններից մեկում պայթյունի ձայն է լսվել, նկատվում է ծուխ:
«Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից։
Դեպքի վայր է մեկնել ԱԻՆ ՓԾ Երևանի փրկարարական վարչության հրշեջ-փրկարարական ջոկատներից երկու մարտական հաշվարկ:
Պարզվել է, որ բնակարանում հրդեհ է բռնկվել:
Հրդեհը մեկուսացվել է ժամը 00:19-ին, մարվել՝ 00:25-ին: Այրվել են երկու բազկաթոռ, ննջասենյակներից մեկում մեկ ներքնակ, իսկ մյուսում` երկտեղանի մահճակալ, վնասվել են հյուրասենյակի և ննջասենյակի պատուհանների ապակիները:
Պայթյունի նշաններ չեն հայտնաբերվել:
Բաժանորդագրվեք մեր ալիքին Telegram-ում