1000х90.jpg (78 KB)

Երևանում՝ 11:07,   29 Մարտ 2024

Առավել, քան երբևէ լինենք միասնական. Հակոբ Ղազանչյանը շնորհավորել է Թատրոնի միջազգային օրը  

Առավել, քան երբևէ լինենք միասնական. Հակոբ Ղազանչյանը շնորհավորել է Թատրոնի 
միջազգային օրը

 

 ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Հայաստանի թատերական գործիչների միության նախագահ Հակոբ Ղազանչյանն արվեստակից ընկերներին շնորհավորել է Թատրոնի միջազգային օրվա կապակցությամբ՝ նշելով, որ այսօր առավել, քան երբևէ պետք է միասնական լինել:

«Արմենպրես»-ի հաղորդմամբ՝ Ղազանչյանը շեշտել է, որ տոնը համընկավ քաղաքակիրթ աշխարհին հասած դժվարին ժամանակաշրջանի հետ: «Գիտեմ՝ ինչ ծանր է նստում ձեզ վրա պարապուրդը: Գիտեմ՝ որքան եք կարոտում գրիմանոցներն ու կուլիսները, որքան եք կարոտում բեմն ու ձեր սիրելի հանդիսատեսին… Բայց նաև գիտեմ, թե որքան եք գիտակցում ժամանակի հրամայականներն ու պահանջները, գիտակցում, որ այսօր առավել քան երբևէ պետք է լինենք միասնական: Միայն այդ պարագայում մենք կդիմակայենք ժամանակի փորձություններն ու մարտահրավերները, չենք կորցնի հավատը վաղվա օրվա հանդեպ: Շնորհավորում եմ բոլորիս մեր պրոֆեսիոնալ տոնի առթիվ, ցանկանում եմ աննկուն կամք և նվիրվածություն: Կասկած անգամ չունեմ, որ շատ մոտ ապագայում մենք մեծ շուքով կնշենք Թատրոնի միջազգային օրը»,-նշել է միության նախագահը:

Թատրոնի միջազգային օրն առաջին անգամ նշվել է Ֆրանսիայում, որից հետո տարածվել է ամբողջ աշխարհում: Այն տոնելու գաղափարը հաստատվել է Թատրոնի միջազգային ինստիտուտի (International Theatre Institute, ITI) որոշմամբ:

Համաձայն կանոնադրության՝  այս կազմակերպության գործունեությունն ուղղված է ազգերի միջև բարեկամության և խաղաղության ամրապնդմանը, ինչպես նաև աշխարհի բոլոր թատերական խմբերի միջև համագործակցության ընդլայնմանը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]