1000х90.jpg (78 KB)

Երևանում՝ 11:07,   29 Մարտ 2024

ԱԺ-ն քննարկում է Հանրային հեռուստաընկերության գովազդ հեռարձակելու իրավունքը վերականգնելու առաջարկը

ԱԺ-ն քննարկում է Հանրային հեռուստաընկերության գովազդ հեռարձակելու իրավունքը վերականգնելու առաջարկը

ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: ՀՀ ազգային ժողովն առաջին ընթերցմամբ ընդունելու համար քննարկում է «Հեռուստատեսության եւ ռադիոյի մասին» Հայաստանի Հանրապետության օրենքում փոփոխություն և լրացումներ կատարելու մասին օրենքի նախագիծը, որով առաջարկվում է գովազ հեռարձակելու հնարավորություն տալ Հանրային հեռուստաընկերությանը:

 «Արմենպրես»-ի փոխանցմամբ՝ այս մասին օրենքի նախագիծը խորհրդարանում ներկայացրեց Արդարադատության նախարարի տեղակալ Վահե Դանիելյանը:

«Մինչև 2014թ. Հանրային հեռուստաընկերությունն իրավունք է ունեցել առևտրային գովազդ հեռարձակելու, որը չէր կարող գերազանցել հաղորդումների 7%-ը, դրա արդյունքում առաջացել են ֆինանսական միջոցներ, որոնք հեռուստաընկերությունն օգտագործել է իր կարիքների համար: 2015թ. հունվարի 1-ից ուժի մեջ մտած փոփոխությամբ՝ Հանրային հեռուստաընկերությունը զրկվել է առևտրային գովազդ հեռարձակելու իրավունքից: Սույն նախագծով սահմանվում է գովազդի իրավունքի վերականգնում, որը չի կարող տեղի ունենալ մեկ եթերաժամի հաշվարկով ավելի, քան 5 րոպեն»,- ասաց Դանիելյանը:

Օրենքի նախագծով նաև կարգավորվում են սոցիալական գովազդի հետ կապված հարաբերությունները՝ ժամը 00:00-ից մինչև 18:00-ն ընկած ժամանակահատվածում սոցիալական գովազդը հեռարձակվում է անհատույց հիմունքներով: Ժամը 18:00-ից մինչև 00:00-ն ընկած ժամանակահատվածում սոցիալական գովազդը հեռարձակվում է վճարովի հիմունքներով՝ «Գովազդի մասին» օրենքով սահմանված կարգով:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]