Ժամանակը Երևանում՝ 11:07:36,   26 Հոկտեմբեր

Ոստիկանները մեքենայում 3-րդ անձ լինելու պատճառով 92 հոգու դուրս են հրավիրել մեքենայից

Ոստիկանները մեքենայում 3-րդ անձ լինելու պատճառով 92 հոգու դուրս են հրավիրել 
մեքենայից

ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ։ Հայաստանի Հանրապետությունում նոր տիպի կորոնավիրուսի տարածումը կանխելու նպատակով հայտարարված արտակագ դրության ժամանակ մարդկանց ազատ տեղաշարժվելու իրավունքի սահմանափակման ընթացքում մարտի 25-ին 92 քաղաքացի, որոնք եղել են 3-րդ անձ մեքենայում՝ դուրս են հրավիրվել մեքենայից։

«Արմենպրես»-ի հաղորդմամբ՝ մամուլի ասուլիսի ժամանակ այս մասին ասաց ՀՀ ոստիկանության պետի տեղակալ Հայկ Մհրյանը։

«Բացի ավտոմեքենաներից, նաև 2 ընդհանուր օգտագործման տրանսպորտային միջոցի նկատմամբ համապատասպան գործողություններ ենք կիրառել, իսկ 16։00-ից հետո մենք կկիրառենք նոր օրենսդրությունը։ Մինչև այդ ժամը մենք կփորձենք մարդկանց ընտելացնել այդ իրավիճակին»,- նշեց Մհրյանը։

ՀՀ փոխվարչապետ, արտակարգ դրության իրավիճակում պարետ Տիգրան Ավինյանի որոշման համաձայն քաղաքացիները տնից կարող են դուրս գալ միայն խիստ և կենսական անհրաժեշտության դեպքում և իրենց հետ պետք է ունենան տեղաշարժի ձևաթուղթ, ինչպես նաև անձը հաստատող փաստաթուղթ։ Մեքենաներում պետք է լինի ոչ ավելի, քան 2 անձ՝ վարորդը ներառյալ։ Ընդհանուր օգտագործման տրանսպորտային միջոցներում քաղաքացիների թիվը չպետք է գերազանցի սահմանված տեղերի քանակը։

Հայաստանում մարտի 25-ի՝ ժամը 10:00-ի դրությամբ կորոնավիրուսի հաստատված դեպքերի ընդհանուր թիվը 265 է: Թեստերից 1315-ը բացասական արդյունք են տվել:

ՀՀ կառավարությունը Հայաստանում արտակարգ դրություն է հայտարարել: Արտակարգ դրությունը գործում է Հայաստանի Հանրապետության ամբողջ տարածքում 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն: Մարտի 24-ի ժամը 23:59-ից մինչև մարտի 31-ը, ժամը 23:59-ն ՀՀ ամբողջ տարածքում սահմանափակվելու է մարդկանց ազատ տեղաշարժվելու իրավունքը: Հայաստանում մարտի 25-ին ժամը 10:00-ի դրությամբ կորոնավիրուսից ապաքինվել է 16 քաղաքացի, մեկուսացումից դուրս եկել 88-ը:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ