Երևանի գովազդային վահանակների վրա Իրանին և Իտալիային գոտեպնդող հոլովակներ կլինեն
ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ։ Երևանի գովազդային վահանակների վրա այս օրերին կորոնավիրուսի դեմ պայքարող Իտալիային և Իրանին գոտեպնդող հոլովակներ կլինեն «Ամեն ինչ լավ կլինի» գրառումով։ Ինչպես տեղեկացնում է «Արմենպրես»-ը, այս մասին «Ֆեյսբուք»-ի իր էջում գրել է Երևանի քաղաքապետի մամուլի խոսնակ Հակոբ Կարապետյանը՝ հրապարակելով տեսանյութ։
ՀՀ կառավարությունը Հայաստանում արտակարգ դրություն է հայտարարել: Արտակարգ դրությունը գործում է Հայաստանի Հանրապետության ամբողջ տարածքում 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն: Մարտի 24-ի ժամը 23:59-ից մինչև մարտի 31-ը, ժամը 23:59-ն ՀՀ ամբողջ տարածքում սահմանափակվելու է մարդկանց ազատ տեղաշարժվելու իրավունքը: Հայաստանում կորոնավիրուսի հաստատված դեպքերի թիվը 249 է։ Վարակվածներից 14-ն ապաքինվել և դուրս է գրվել։
Բաժանորդագրվեք մեր ալիքին Telegram-ում