Ուկրաինայում կա կորոնավիրուսի հաստատված 16 դեպք
15:12, 19 Մարտ 2020
ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Ուկրաինայում մարտի 19-ի դրությամբ նոր կորոնավիրուսի վարակի լաբորատոր հաստատված դեպքերի թիվը 16 է: «Արմենպրես»-ի հաղորդմամբ, այս մասին տեղեկացնում է Ուկրաինայի առողջապահության նախարարությունը:
Ուկրաինայի հանրային առողջության կենտրոնը մարտի 18-ին ունեցել է կորոնավիրուսի կասկածելի 79 դեպք: Թեստավորման արդյունքներից 2-ն են դրական պատասխանով եղել: Կենտրոնը տեղեկացնում է, որ իրենք հետազոտում են ոչ միայն այն մարդկանց, ում մոտ հստակ վիրուսի կասկածներ կան, այլև նրանց հետ կոնտակտ ունեցած քաղաքացիներին: 2020 թվականի սկզբից Ուկրաինայում եղել է կորոնավիրուսի կասկածի 260 հաղորդում:
Աշխարհում կորոնավիրուսով վարակվածների թիվն անցել է 220 հազարը:
Բաժանորդագրվեք մեր ալիքին Telegram-ում