Ժամանակը Երևանում՝ 11:07:36,   26 Մայիս

Մենք մնացինք աշխատելու հանուն ձեզ, դուք մնացեք տանը հանուն մեզ️․ «Նորք» հիվանդանոցի բժիշկների կոչը

Մենք մնացինք աշխատելու հանուն ձեզ, դուք մնացեք տանը հանուն մեզ️․ «Նորք» 
հիվանդանոցի բժիշկների կոչը

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: «Նորք» ինֆեկցիոն կլինիկական հիվանդանոցի բժիշկները հանդես են եկել կոչով: «Արմենպրես»-ի հաղորդմամբ, հիվանդանոցի «Ֆեյսբուք» սոցիալական ցանցի էջում հրապարակվել են բժիշկների լուսանկարները, որոնք բնակիչներին կոչ են անում մնալ տանը:

«Մենք մնացինք աշխատելու հանուն Ձեզ, Դուք մնացեք տանը հանուն մեզ️: Առողջ եղեք: Սիրով` Նորք ԻԿՀ»,-ասված է գրառման մեջ:

ՀՀ կառավարությունը Հայաստանում արտակարգ դրություն հայտարարելու որոշում ընդունեց: Որոշումը կայացվեց գործադիրի մարտի 16-ի նիստում՝ հաշվի առնելով աշխարհում և Հայաստանում նոր տիպի կորոնավիրուսի տարածման և այն Առողջապահության համաշխարհային կազմակերպության կողմից պանդեմիա որակվելու հանգամանքը: «Հայաստանի Հանրապետության ամբողջ տարածքում 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն հայտարարել արտակարգ դրություն»,-նշված է ՀՀ կառավարության որոշման մեջ:

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ