«Զանգակ» հրատարակչության գրատները որոշ ժամանակ փակ կլինեն
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: «Զանգակ» հրատարակչությունը, առաջնային համարելով հաճախորդների և աշխատակիցների առողջությունը, մարտի 16-ից փակելու է «Դալմա գարդեն մոլ» «Ռիո մոլ» և «Մեգամոլ Արմենիա»-ի գրատները, իսկ 17-ից՝ Աբովյան և Կոմիտասի մասնաճյուղերը:
«Արմենպրես»-ի հաղորդմամբ` այս մասին գրված է «Ֆեյսբուք»-ում «Զանգակ»-ի պաշտոնական էջում:
«Սիրելի՛ հաճախորդներ, հաշվի առնելով կորոնավիրուսի հետևանքով առաջացած իրավիճակը և առաջնային համարելով մեր հաճախորդների և աշխատակիցների առողջությունը, մարտի 16-ից «Դալմա գարդեն մոլ», «Ռիո մոլ» և «Մեգամոլ Արմենիա», իսկ 17-ից Աբովյան և Կոմիտասի մեր մասնաճյուղերը փակ կլինեն: Նախնական տվյալներով գրատները փակ կլինեն մինչև մարտի 24-ը, ժամկետների փոփոխության դեպքում հավելյալ կտեղեկացնենք:
Մնացե՛ք տանը օգտվեք ազատ ժամանակից և կարդացեք գրքեր: Հուսով ենք՝ կհանդիպենք շատ շուտով:
Եղե՛ք առողջ»,- նշված է հայտարարությունում:
Բաժանորդագրվեք մեր ալիքին Telegram-ում