Ըմբշամարտի ՕԽ վարկանիշային մրցաշարը հետաձգվել է
10:00, 12 Մարտ 2020
ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Աշխարհում մեծ տարածում ստացող կորոնավիրուսի պատճառով հետաձգվել են մի շարք միջազգային խոշոր մրցաշարեր:
«Արմենպրես»-ի հաղորդմամբ` Հունգարիայում կայանալիք ըմբշամարտի եվրոպական գոտու վարկանիշային մրցաշարը հետաձգվել է մինչև մայիս: Կհետաձգվի նաև Բուլղարիայում կայանալիք համաշխարհային վարկանիշային մրցաշարը: Այն կանցկացվի հունիսի սկզբին:
Նոր կորոնավիրուսի բռնկումը գրանցվել է 2019 թվականի դեկտեմբերի վերջին Կենտրոնական Չինաստանի ամենախտաբնակ քաղաքում՝ 12-միլիոնանոց Ուհանում: Առողջապահության համաշխարհային կազմակերպությունն այն բնութագրել է որպես համաճարակ՝ բազմաթիվ օջախներով: Աշխարհում կորոնավիրուսով վարակման դեպքերի թիվը հատել է 120 հազարի սահմանը: Վիրուսից մահացել է ավելի քան 4 հազար մարդ:
Բաժանորդագրվեք մեր ալիքին Telegram-ում