ՌԴ-ի եւ Թուրքիայի զինվորականներն Անկարայում բանակցություններ կվարեն Իդլիբի շուրջ
12:00, 9 Մարտ 2020
ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: Մարտի 10-ին Անկարայում Ռուսաստանի զինվորական պատվիրակության մասնակցությամբ բանակցություններ կսկսվեն Սիրիայի Իդլիբի ապաԷսկալացիայի գոտու իրադրության շուրջ: Այդ մասին ասված Է Թուրքիայի ազգային պաշտպանության նախարարության՝ մարտի 9-ին տարածված հայտարարության մեջ, տեղեկացնում Է «Արմենպրես»-ը:
«(Իդլիբի վերաբերյալ) մոսկովյան հուշագրին համապատասխան, մարտի 10-ին Անկարայում բանակցություններ կսկսվեն Ռուսաստանի զինվորական պատվիրակության մասնակցությամբ»,-նշում Է հաղորդագրության մեջ: Սպասվում Է, որ կողմերը կքննարկեն Սիրիայում M-4 ավտոմայրուղում համատեղ պարեկման մանրամասները, որի սկիզբը նախատեսված Է մարտի 15-ին, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում