Ժամանակը Երևանում՝ 11:07:36,   13 Հուլիս

Վրաստանը կորոնավիրուսի պատճառով դադարեցրել է ուղիղ ավիահաղորդակցությունն Իտալիայի հետ

Վրաստանը կորոնավիրուսի պատճառով դադարեցրել է ուղիղ ավիահաղորդակցությունն Իտալիայի հետ

ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Վրաստանի կառավարությունը մարտի 6-ին որոշում Է ընդունել Իտալիայից ուղիղ ավիաթռիչքները ժամանակավորապես դադարեցնելու մասին, ինչը կապված Է այնտեղ նոր կորոնավիրուսի տարածման հետ: Այդ մասին հայտնել Է Վրաստանի կառավարության վարչակազմի մամուլի ծառայությունը, տեղեկացնում Է «Արմենպրես»-ը:

«Որոշում Է ընդունվել ժամանակավորապես դադարեցնել թռիչքներն Իտալիայից: Վրաստանի կառավարությունը հորդորում Է մեր երկրների քաղաքացիներին՝ ձեռնպահ մնալ համաճարակի բարձր ռիսկեր ունեցող երկրներ (Չինաստան, Հարավային Կորեա, Իտալիա, Իրան) ճամփորդելուց»,-ասված Է հաղորդագրության մեջ: Դրա հետ մեկտեղ կառավարությունն ընդունել Է որոշում, որի համաձայն, Վրաստանի քաղաքացիները, որոնք կվերադառնան այն երկրներից, որտեղ բարձր Է կորոնավիրուսի տարածման ռիսկը, պարտադիր 14-օրյա կարանտին կանցնեն: Օտարերկրացիները, որոնք այցելում են Վրաստան եւ վերջին 14 օրվա ընթացքում եղել են այն երկրներում, որտեղ նոր վարակի բարձր աճ Է դիտվում, նույնպես պարտավոր կլինեն կարանտին անցնել կամ սահմանում տեղեկանք ներկայացնել այն մասին, որ իրենք վարակված չեն կորոնավիրուսով:

Ներկայում Վրաստանում նոր կորոնավիրուսով վարակման ինը դեպք Է հայտնաբերված: Բոլոր վարակվածները Վրաստանի քաղաքացիներ են, հաղորդել Է ՏԱՍՍ-ը:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ