Խմիչքների համար բնական կորուստների նվազեցման կարգավորումը կտարածվի նաև մրգային օղիների վրա
12:44, 5 Մարտ 2020
ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Կառավարությունը «Հարկման բազայի որոշման նպատակով համախառն եկամտից նվազեցվող գույքի բնական կորուստների չափերը սահմանելու մասին» որոշման մեջ ներառեց նաև մրգային օղիները:
«Արմենպրես»-ի փոխանցմամբ, էկոնոմիկայի նախարար Տիգրան Խաչատրյանը նշեց, որ այսօր մի շարք ալկոհոլային խմիչքների համար գործում են բնական կորուստների նվազեցման նպատակով կարգավորումներ, որոնք սակայն չեն տարածվում մրգային օղիների վրա:
«Վերջին շրջանում այս ոլորտում ակտիվություն կա, և դա մեզ հուշում է, որ պետք է կարգավորել նաև այդ հատվածը: Դրանք քիմիական, ֆիզիկական և կլիմայական պայմանների պատճառով առաջացող նվազեցումներն են»,- ասաց նա:
Բաժանորդագրվեք մեր ալիքին Telegram-ում