Այսօր` փետրվարի 28-ին
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: 1880 թ. այս օրը ծնվել է Մարտիրոս Սարյանը՝ հայ նկարիչ, ԽՍՀՄ ժողովրդական նկարիչ (1960), ԽՍՀՄ Գեղարվեստի ակադեմիայի իսկական անդամ (1947), ՀԽՍՀ ԳԱ ակադեմիկոս (1956), Սոցիալիստական աշխատանքի հերոս (1965), ՀԽՍՀ նկարիչների միության նախագահ (1945-1951)։
* 1920 թ. այս օրը Երեւանի պետական համալսարանում բացվեց Սարգիս եւ Մարի Իզմիրլյանների անվան գրադարանը։
* 1852 թ. այս օրը Կոստանդնուպոլսում սկսվեց հրատարակվել «Նոյան Աղավնի» պարբերականը (մինչեւ 1853 թ.)։
* 1976 թ. այս օրը շարք մտավ Հայաստանի ատոմային էլեկտրակայանի առաջին էներգաբլոկը։
* 1936 թ. այս օրը ծնվել է Հակոբ Ջիվանյանը՝ հայ ճարտարապետ, նկարիչ, քանդակագործ, ՀՀ վաստակավոր ճարտարապետ (2011):
* 1973 թ. այս օրը մահացել է Աշոտ Գրաշին՝ հայ բանաստեղծ, թարգմանիչ :
Գիտե՞ք, որ...
* Հայաստանն Իրանի, Չինաստանի, Հունաստանի, Եգիպտոսի եւ Ճապոնիայի հետ միասին մտնում է հնագույն երկրների այն վեցյակում, որոնք կարողացել են անցնել հազարամյակների միջով։
* Հայաստանի 13-րդ մայրաքաղաքը՝ Երեւանը, աշխարհի հնագույն քաղաքներից է, գտնվում է Արարատյան դաշտավայրի հյուսիս-արեւելյան մասում։ Հիմնադրվել է մ. թ. ա. 782 թ. Արգիշտի 1-ին թագավորի կողմից։ Երեւան քաղաքը 29 տարով ավելի հին է Հռոմից։
* Պատկերացնում եք, օրինակ, միայն Դուբայն ունի գրեթե 2 միլիոն բնակիչ եւ տարեկան 15 միլիոն զբոսաշրջիկ է ընդունում:
* Ծաղիկների մի քանի տեսակներ ուտելու համար պիտանի են: Օրինակ՝ խատուտիկից պատրաստում են ջեմեր եւ նույնիսկ աղցաններ:
* Ճաշի ժամանակ մարդը կուլ է տալիս մոտավորապես 295 անգամ:
* Աշխարհում ամեն 7 վայրկյանը մեկ երեխա է ծնվում:
Մ. Ա.
Բաժանորդագրվեք մեր ալիքին Telegram-ում