Մանուէլ Պետրոսյանը Aeroflot Open 2020 շախմատային մրցաշարի առատարին զիջում է կես միավորով
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Մոսկվայում ընթացող Aeroflot Open 2020 շախմատային միջազգային մրցաշարը մոտենում է ավարտին:
«Արմենպրես»-ի հաղորդմամբ` մրցաշարի նախավերջին տուրի A ենթախմբում Մանուէլ Պետրոսյանը, Շանթ Սարգսյանը, Գաբրիել Սարգսյանը, Հայկ Մարտիրոսյանը ոչ-ոքի ավարտեցին իրենց պարտիաները: Մանուէլ Պետրոսյանն ունի 5,5 միավոր և առաջատարներին զիջում է կես միավորով:
B ենթախմբում Տիգրան Հարությունյանը և Էլինա Դանիելյանը հաղթանակ տարան, Աննա Սարգսյանը և Հովիկ Հայրապետյանը պարտվեցին, իսկ Լիլիթ Մկրտչյանը կիսեց միավորը մրցակցի հետ: Տիգրան Հարությունյանն ունի 6,5 միավոր և երկու առաջատարներից մեկն է:
Aeroflot Open 2020-ը կեզրափակվի փետրվարի 27-ին: Մոսկվայում ընթացող մրցաշարի հիմնական խմբում ընդգրկվել է 74 շախմատիստ: Այն անցկացվում է շվեյցարական մրցակարգով` 9 տուրով: Մրցաշարի մրցանակային ֆոնդը կազմում է 140 հազար եվրո:
Բաժանորդագրվեք մեր ալիքին Telegram-ում