ՉԼ. «Բավարիա»-ն հաղթեց «Չելսի»-ին. «Նապոլի»-«Բարսելոնա» հանդիպումն ավարտվեց ոչ-ոքի
08:57, 26 Փետրվար 2020
ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Ֆուտբոլի Չեմպիոնների լիգայում կայացավ 1/8 եզրափակիչի ևս երկու հանդիպում:
«Արմենպրես»-ի հաղորդմամբ` անգլիական «Չելսի»-ն սեփական հարկի տակ ընդունելով «Բավարիա»-ին՝ պարտվեց 0:3 խոշոր հաշվով: Մյունխենյան ակումբի կազմում դուբլի հեղինակ դարձավ Գնաբին, մեկ անգամ էլ աչքի ընկավ Լևանդովսկին:
Օրվա մյուս խաղում «Բարսելոնա»-ն, հյուրընկալվելով «Նապոլի»-ին, հանդիպումն ավարտեց ոչ-ոքի` 1:1 հաշվով: Կատալոնական թիմից գոլը խփեց Գրիզմանը, իսկ «Նապոլի»-ից`Մերտենսը:
Թիմերի պատասխան հանդիպումները կկայանան մարտին:
Բաժանորդագրվեք մեր ալիքին Telegram-ում