Երկրորդ և չորրորդ զորամիավորումներում կայացել են նորակոչիկների երդման հանդիսավոր արարողություններ
19:12, 25 Փետրվար 2020
ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Երկրորդ և չորրորդ զորամիավորումներում փետրվարի 23-ին տեղի են ունեցել նորակոչիկ զինծառայողների երդման հանդիսավոր արարողություններ:
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, հրամանատարական կազմի, տեղական ինքնակառավարման մարմինների ներկայացուցիչների, հոգևորականների և հարազատների ներկայությամբ նորակոչիկները երդվել են անձնվիրաբար ծառայել հայրենիքին, անվերապահորեն կատարել հրամանատարների հրամաններն ու լինել Հայոց բանակի արժանի զինվորներ:
Բաժանորդագրվեք մեր ալիքին Telegram-ում