Գյումրիում ռուսական 102-րդ ռազմակայանում նշվել է Հայրենիքի պաշտպանի օրը
17:44, 25 Փետրվար 2020
ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Գյումրիում տեղակայված ռուսաստանյան 102-րդ ռազմակայանում փետրվարի 23-ին նշվել է ՌԴ Հայրենիքի պաշտպանի օրը։ «Արմկնպրես»-ին այս մասին հայտնեցին ՀՀ ՊՆ տեղեկատվության և հասարակայնության հետ կապերի վարչությունից:
Հանդիսավոր միջոցառմանը մասնակցել են ՀՀ ԶՈւ և ՌԴ ԶՈւ զորքերի (ուժերի) միացյալ խմբավորման հրամանատար, գեներալ-լեյտենանտ Տիգրան Փարվանյանը, ՌԴ 102-րդ ռազմակայանի հրամանատար, գնդապետ Նիկոլայ Մարտինյուկը, բարձրաստիճան զինվորականներ, տեղական ինքնակառավարման մարմինների ներկայացուցիչներ, հյուրեր:
Առանձնահատուկ շնորհավորական խոսքեր ու մաղթանքներ են հնչել Հայրենական մեծ պատերազմի և զինված ուժերի վետերանների հասցեին: Նշվել է, որ փետրվարի 23-ը ևս մեկ առիթ է երախտագիտություն հայտնելու հայրենիքի բոլոր նվիրյալներին։
Բաժանորդագրվեք մեր ալիքին Telegram-ում