Ժամանակը Երևանում՝ 11:07:36,   9 Ապրիլ

Քոչարյանի քրեական հետապնդումը դադարեցնելու միջնորդության վերաբերյալ կողմերը ելույթներ են ունենում

Քոչարյանի քրեական հետապնդումը դադարեցնելու միջնորդության վերաբերյալ 
կողմերը ելույթներ են ունենում

ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Երևանի ընդհանուր իրավասության դատարանում փետրվարի 25-ին ՀՀ երկրորդ նախագահ Ռոբերտ Քոչարյանի քրեական հետապնդումը դադարեցնելու միջնորդության վերաբերյալ ամփոփիչ ելույթներով հանդես են գալիս  մեղադրանքի և պաշտպանության կողմերը:

 Ինչպես տեղեկացնում է «Արմենպրես»-ը, նախորդ դատական նիստը հետաձգվել էր Յուրի Խաչատուրովի թարգմանչի բացակայության պատճառով:

Կողմերին լսելուց հետո դատարանը կհեռանա խորհրդակցական սենյակ որոշում կայացնելու:

2018 թվականի մայիսին դատավոր Դավիթ Գրիգորյանը՝ Արցախի ներկա և նախկին նախագահներ Բակո Սահակյանի և Արկադի Ղուկասյանի անձնական երաշխավորությամբ ազատ էր արձակել Ռոբերտ Քոչարյանին, սակայն հունիսի 25-ին Վերաքննիչ դատարանի դատավոր Արմեն Դանիելյանը բեկանել էր այդ որոշումը և կալանքի տակ վերադարձրել Քոչարյանին:

Ռոբերտ Քոչարյանը մեղադրվում է ՀՀ քրեական օրենսգրքի 300.1-րդ հոդվածի 1-ին մասով և 311-րդ հոդվածի 4-րդ մասի 2-րդ կետով` ՀՀ սահմանադրական կարգը տապալելու և առանձնապես խոշոր չափերով կաշառք ստանալու մեջ:





https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ