Տարվա սկիզբը՝ բարձր տնտեսական նոտայով. տնտեսական ակտիվությունը հունվարին աճել է 8.9 տոկոսով
13:11, 25 Փետրվար 2020
ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Հայաստանում տնտեսական ակտիվությունը 2020-ի հունվարին աճել է 8.9 տոկոսով:
«Արմենպրես»-ի հաղորդմամբ՝ այս մասին «Ֆեյսբուք»-ի իր էջում հայտնել է ՀՀ վարչապետ Նիկոլ Փաշինյանը:
«Տարին սկսում ենք բարձր տնտեսական նոտայով: 2020 թվականի հունվարին գրանցվել են հետեւյալ ցուցանիշները՝ տնտեսական ակտիվության աճ՝ 8.9 տոկոս, արդյունաբերության աճ՝ 13.4 տոկոս, շինարարության աճ՝ 7.7 տոկոս, առեւտրի շրջանառության աճ՝ 10.3 տոկոս, ծառայությունների աճ՝ 13.2 տոկոս, էլ. էներգիայի արտադրության աճ՝ 18.7 տոկոս, արտահանման աճ՝ 20.4 տոկոս»,-գրել է Փաշինյանը:
Հունվարին գնաճը կազմել է ընդամենը 0.2 տոկոս, աշխատավարձի աճը՝ 5.9 տոկոս: «Կարճ ասած՝ փայլուն տնտեսական տարի ենք սկսել: Դուխով»,-եզրափակել է վարչապետը:
Բաժանորդագրվեք մեր ալիքին Telegram-ում