1000х90.jpg (78 KB)

Երևանում՝ 11:07,   28 Մարտ 2024

ՄԻՊ-ը դատարանների առաջնային խնդիրներից է համարում նրանց արտաքին և ներքին անկախության երաշխավորումը

ՄԻՊ-ը դատարանների առաջնային խնդիրներից է համարում նրանց արտաքին և ներքին 
անկախության երաշխավորումը

ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Մարդու իրավունքների պաշտպան Արման Թաթոյանի կարծիքով՝ դատարանների առաջնային խնդիրներից է նրանց արտաքին և ներքին անկախության երաշխավորումը:

«Արմենպրես»-ի փոխանցմամբ՝ այս մասին Թաթոյանն ասաց փետրվարի 25-ին Ազգային ժողովում Պետական-իրավական հանձնաժողովի կողմից կազմակերպված «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին» (Կ-428-20.12.2019-ՊԻ-011/0) և հարակից օրենքների նախագծերի փաթեթի քննարկում» թեմայով խորհրդարանական լսումների ընթացքում:

«Այսօր դատարաններին առնչվող առաջնային խնդիրներից է նրանց, թե՛ արտաքին, թե՛ ներքին անկախության երաշխավորումը: Անկախության պակասի ու կոռուպցիոն դրսևորումների պատճառով ցածր է վստահությունը դատարանի նկատմամբ: ՄԻՊ-ին հասցեագրվող բողոքները վկայում են այն մասին, որ առկա են նույնիսկ դեպքեր, երբ առանձին դատավորներ իրենց վարքագծով վնասում են դատական համակարգի հեղինակությանը»,- ասաց Թաթոյանը:

Մարդու իրավունքների պաշտպանը նշեց նաև, որ դատական համակարգում քիչ չէ այն դատավորների թիվը, որոնք բարեխղճորեն կատարում են իրենց առաքելությունը: Արման Թաթոյանն անդրադարձավ նաև դատական համակարգում առկա մարդու իրավունքների խախտումներին:

«Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին օրենքի նախագծի հեղինակը ՀՀ կառավարությունն է:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]