«Երևանի ՋԷԿ»-ի մոտակայքում «Lada Granta»-ն դուրս է եկել ճանապարհի երթևեկելի հատվածից և բախվել ծառին
ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Ճգնաժամային կառավարման ազգային կենտրոն փետրվարի 24-ին ժամը 23:56-ին ահազանգ է ստացվել, որ «Երևանի ՋԷԿ»-ից 1-ին մաս տանող շրջանաձև խաչմերուկի մոտակայքում տեղի է ունեցել վթար, ավտոմեքենան բախվել է ծառին, կան տուժածներ:
Ինչպես «Արմենպրես»-ին տեղեկացրին ԱԻՆ լրատվական ծառայությունից, դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ «Lada Granta» մակնիշի ավտոմեքենան (վարորդ՝ Սամվել Ղ., ծնված 1951 թ.) դուրս է եկել ճանապարհի երթևեկելի հատվածից և բախվել ծառին: Վարորդը և ուղևորները` Հովհաննես Խ. (ծնված 1977 թ.) և Գերասիմ Ե. (ծնված 1952 թ.), հոսպիտալացվել են «Էրեբունի» ԲԿ, որտեղ բժիշկները նրանց առողջական վիճակը գնահատել են բավարար:
Փրկարարները հոսանքազրկել են ավտոմեքենան, փակել գազի բալոնի փականը և տուժածներին մոտեցրել շտապօգնության ավտոմեքենային:
Բաժանորդագրվեք մեր ալիքին Telegram-ում