Տեղի է ունեցել Սնանկության գործով կառավարչի որակավորման ստուգման երկրորդ՝ հարցազրույցի փուլը
ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: 2020 թվականի փետրվարի 24-ին տեղի է ունեցել 2019 թվականի համար կազմակերպված սնանկության գործով կառավարչի որակավորման ստուգման երկրորդ՝ հարցազրույցի փուլը: «Արմենպրես»-ին այս մասին հայտնեցին ՀՀ արդարադատության նախարարության տեղեկատվության և հասարակայնության հետ կապերի վարչությունից:
Հիշեցնենք, որ 2020 թվականի հունվարի 29-ին կայացված թեստավորման փուլին մասնակցած 24 դիմորդներից հարցազրույցի փուլ անցնելու իրավունք էր ձեռք բերել 16-ը:
Համաձայն ՀՀ կառավարության 2011թ. օգոստոսի 18-ի N 1179-Ն որոշմամբ հաստատված հավելվածի 231 կետի՝ հարցազրույցի փուլում մասնակցի ստացած միավորների տոկոսային արտահայտությունը պետք է լինի առնվազն 75 տոկոս՝ հարցազրույցի փուլը հաղթահարելու համար:
Այսպիսով, վերոնշյալ պայմանի բավարարմամբ հարցազրույցի փուլը հաղթահարել է 8 դիմորդ.
- Ռուբեն Լևոնի Բալասանյան
- Մարատ Հայկի Հարությունյան
- Վահե Արայիկի Նազարեթյան
- Արթուր Սամվելի Ապիկյան
- Վարդան Ալեքսանի Ալոյան
- Լուսինե Վոլոդյայի Սարգսյան
- Մուշեղ Գագիկի Խաչիկյան
- Ռոբերտ Հովհաննեսի Եղյան
Տեղեկացնում ենք, որ համաձայն ՀՀ կառավարության 2011թ. օգոստոսի 18-ի N 1179-Ն որոշմամբ հաստատված հավելվածի26-րդ կետի՝ որակավորման ստուգման արդյունքները կարող են բողոքարկվել վերադասության կամ դատական կարգով՝ արդյունքների մասին տեղեկացվելուց հետո 7 աշխատանքային օրվա ընթացքում:
Բաժանորդագրվեք մեր ալիքին Telegram-ում