Ժամանակը Երևանում՝ 11:07:36,   10 Ապրիլ

Մի խումբ անձինք զրկվել են վարորդական իրավունքի վկայականից

Մի խումբ անձինք զրկվել են վարորդական իրավունքի վկայականից

ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Ճանապարհային ոստիկանների՝ փետրվարի 14-ից 24-ը հայտնաբերած խախտումների հետևանքով մի շարք վարորդներ զրկվել են վարորդական իրավունքի վկայականից։

Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, վարորդներից 5-ը երթևեկել են առանց համարանիշի, 2-ը հրաժարվել են անցնել սթափության զննություն, 12-ը եղել են ոչ սթափ և նրանց արյան մեկ լիտրի մեջ մաքուր ալկոհոլի պարունակությունը գերազանցել է 1 գրամը կամ նրանց մեկ լիտր արտաշնչած օդի մեջ մաքուր ալկոհոլի պարունակությունը գերազանցել է 0․5 միլիգրամը, 2 վարորդի մեքենաների վրա տեղադրված են եղել գերհզոր ձայնաազդանշանային համակարգ և կարմիր ու կապույտ փարոսիկներ, մի վարորդ մեքենան վարել է փոխարինված դեղին համարանիշով, ևս մեկը մեկ տարում երկրորդ անգամ մեքենան վարել է ոչ սթափ վիճակում, իսկ մի վարորդ էլ չի ենթարկվել ճանապարհային ոստիկանի օրինական պահանջին և դիմել է փախուստի։

19 վարորդի նկատմամբ նախապատրաստված նյութերն ուղարկվել են դատախազություն՝ ոչ սթափ վիճակում, առանց վարորդական իրավունքի վկայականի մեքենա վարելու համար։

Ճանապարհային ոստիկանությունը վարորդներին հորդորում է պահպանեք ճանապարհային երթևեկության կանոնները։





https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ