Կանարյան կղզիներում ավազամրրիկի պատճառով շուրջ հազար չվերթ Է չեղարկվել ու հետաձգվել
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Շուրջ հազար չվերթ Է չեղարկվել կամ այլ օդանավակայաններ ուղարկվել անբարենպաստ եղանակի պատճառով, որը հանգստյան օրերին հաստատվել Էր Իսպանիայի Կանարյան կղզիներում: Այդ մասին փետրվարի 24-ին ՏԱՍՍ-ին հայտնել են տարածաշրջանի Օդանավակայանների պետական վարչությունում (AENA), տեղեկացնում Է «Արմենպրես»-ը:
Փոշեմրրիկի պատճառով վատ տեսանելիությունը, ինչպես նաեւ քամու սաստիկ պոռթկումները ընդհատումներ են առաջացրել ինքնավար հանրակցության օդանավակայանների աշխատանքում: «Շուրջ հազար չվերթ Է չեղարկվել կամ հետաձգվել,-պարզաբանել են AENA-ում:-Այժմ (աշխատանքն օդանավակայաններում) վերականգնվում Է, սակայն դրանք գործում են սահմանափակումներով»:
Վարչությունում հավելել են, որ այդ իրադրությունը խախտել Է մոտավորապես 120 հազար ավիաուղեւորների պլանները, որոնց չվերթները չեղարկվել են կամ ուղարկվել այլ օդանավակայաններ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում