Գացալովը մարզիչների որոշմամբ բաց է թողել Խարկովի մրցաշարը
15:59, 24 Փետրվար 2020
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Ազատ ոճի ըմբշամարտի հավաքականի նորեկ Հաջիմուրադ Գացալովը մարզչական շտաբի որոշմամբ բաց է թողել Խարկովի միջազգային մրցաշարը:
«Արմենպրես»-ին այս մասին տեղեկացրին Հայաստանի ըմբշամարտի ֆեդերացիայից: Գացալովը չի մասնակցել մրցաշարին, քանի որ Ուկրաինա մեկնելու համար պետք է ժամաներ Երևան, այնուհետև մրցավայր: Մարզիչները որոշել են, որ Գացալովը թիմի հետ այս օրերին Վլադիկավկազ քաղաքում ուսումնամարզական հավաքի մասնակցի: Հավաքին հայ ըմբիշների հետ մարզվում են նաև ռուս, վրացի և օս մարզիկներ:
Հաջիմուրադ Գացալովը կմասնակցի Տոկիոյի օլիմպիական խաղերի համար առաջին վարկանիշային մրցաշարին, որը կկայանա մարտի 19-22-ը Հունգարիայում:Բաժանորդագրվեք մեր ալիքին Telegram-ում