Արշակունյաց պողոտայում բախվել են «BMW X6»-ն և «Mercedes C» ավտոմեքենաները
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Ճգնաժամային կառավարման ազգային կենտրոն փետրվարի 23-ին, ժամը 23:52-ին ահազանգ է ստացվել, որ Երևանի Արշակունյաց պողոտայի թիվ 270 շենքի մոտակայքում տեղի է ունեցել ավտովթար:
Ինչպես «Արմենպրես»-ին տեղեկացրին ԱԻՆ լրատվական ծառայությունից, դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «BMW X6» (վարորդ՝ Արկադի Վ.) և «Mercedes C» (վարորդ՝ Ալբերտ Ե.) մակնիշների ավտոմեքենաները: Փրկարարները տուժածներին մոտեցրել են շտապօգնության ավտոմեքենաներին:
«Mercedes-Benz C» մակնիշի ավտոմեքենայի ուղևորներ Սյուզաննա (2005 թ.) և Դիաննա (2010 թ.) Վ.-ները հոսպիտալացվել են «Սուրբ Աստվածամայր» ԲԿ, իսկ Մարինե Գ.-ն (1984 թ.) հոսպիտալացվել է «Էրեբունի» ԲԿ:
Բաժանորդագրվեք մեր ալիքին Telegram-ում