Մանուէլ Պետրոսյանը Aeroflot open-ի առաջատարից հետ է կես միավորով
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Մոսկվայում ընթացող Aeroflot open 2020 մրցաշարի առաջատարին Մանուէլ Պետրոսյանը զիջում է կես միավորով:
«Արմենպրես»-ի հաղորդմամբ` A ենթախմբի 5-րդ տուրում հաղթանակներ տարան Մանուէլ Պետրոսյանը և Գաբրիել Սարգսյանը: Պարտություն կրեց Շանթ Սարգսյանը, իսկ Հայկ Մարտիրոսյանը կիսեց միավորը: Այս տուրից հետո Մանուէլ Պետրոսյանը 4 միավորով երկրորդն է մրցաշարային աղյուսակում և կես միավորով զիջում է առաջատարին՝ ադրբեջանցի Ռաուֆ Մամեդովին:
B խմբում Տիգրան Հարությունյանը և Հովիկ Հայրապետյանը ոչ-ոքի ավարտեցին պարտիաները, իսկ Աննա Սարգսյանը և Էլինա Դանիելյանը հաղթանակ տարան: Լիլիթ Մկրտչյանը պարտվեց: Տիգրան Հարությունյանը 4,5 միավորով առաջատարներից է:
Aeroflot Open 2020-ը կեզրափակվի փետրվարի 27-ին: Մոսկվայում ընթացող մրցաշարի հիմնական խմբում ընդգրկվել է 74 շախմատիստ: Այն անցկացվում է շվեյցարական մրցակարգով` 9 տուրով: Մրցաշարի մրցանակային ֆոնդը կազմում է 140 հազար եվրո:
Բաժանորդագրվեք մեր ալիքին Telegram-ում