Հրշեջները մարել են Վանաձորում բռնկված հրդեհը
18:56, 21 Փետրվար 2020
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնը փետրվարի 21-ին, ժամը 15։42-ին ահազանգ է ստացել, որ հրդեհ է բռնկվել Լոռու մարզի Վանաձոր քաղաքի Բազում թաղամասի Ռուսթավի փողոցում:
Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհ է բռնկվել Ռուսթավի փողոցի թիվ 8 հասցեի մոտակայքում:
Հրդեհը մեկուսացվել է ժամը 15։55-ին, մարվել՝ 15։58-ին։ Քարե շինությունում այրվել է մուտքի դուռը, 2 պատուհան, 1 բազմոց և առաստաղը՝ մասամբ (մոտ 4 քմ)։
Բաժանորդագրվեք մեր ալիքին Telegram-ում