Հարավային Կորեան Covid-19-ի պատճառով երկու քաղաք հայտարարել Է «հատուկ ուշադրության գոտի»
10:00, 21 Փետրվար 2020
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Հարավային Կորեան փետրվարի 21-ին Տեգու (2,4 միլիոն բնակիչ) եւ Չհոնդո (50 հազար բնակիչ) քաղաքները «հատուկ ուշադրության գոտիներ» Է հայտարարել Covid-19 նոր կորոնավիրուսով հիվանդության բռնկման կապակցությամբ, տեղեկացնում Է «Արմենպրես»-ը:
«Կառավարությունը հատուկ միջոցներ կձեռնարկի՝ հատուկ ուշադրության գոտիներ հայտարարելով Տեգուն եւ Չհոնդոն, որտեղ հիվանդության հաստատված դեպքերի թվի հանկարծակի աճ Է արձանագրվել»,- երկրի հայտարարել Է վարչապետ Չոն Սե Գյունը:
Փետրվարի 21-ին Սեուլը հայտնել Է Covid-19 կորոնավիրուսով հիվանդության 52 նոր դեպքի մասին, երկրում վարակվածների ընդհանուր թիվը հասել Է 156-ի:
Նախօրյակին Հարավային Կորեայում հաստատվել Է կորոնավիրուսից առաջին մահը: Հիվանդության զոհ Է դարձել 19-ամյա մի պացիենտ Չհոնդո քաղաքում, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում