Ժամանակը Երևանում՝ 11:07:36,   28 Մարտ

Փաշինյանն Արցախի ժողովրդավարական ընտրությունները կայացած պետություն լինելու ապացույց է համարում

Փաշինյանն Արցախի ժողովրդավարական ընտրությունները կայացած պետություն 
լինելու ապացույց է համարում
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանն Արցախում ժողովրդավարական ընտրությունների անցկացման պարագայում աբսուրդ է համարում Ադրբեջանի կազմում Արցախի լինելը: «Արմենպրես»-ի փոխանցմամբ՝ այս մասին Փաշինյանն ասաց փետրվարի 20-ին Հանրային հեռուստաընկերությանը տված հարցազրույցում:
«Արցախում միշտ ընտրությունների արդյունքներն ավելի վստահելի են եղել, քան Հայաստանում, և ասել, որ Արցախում ընտրությունները կարող են վտանգավոր լինել, դա անհեթեթություն է, որովհետև Արցախում ժողովրդավարական ընտրությունների անցկացումը ևս մեկ ապացույց է եղել, որ Արցախը կայացած պետություն է, և խոսել, որ Արցախը կարող է լինել Ադրբեջանի կազմում, դա ընդհանրապես աբսուրդ է: Ընտրություններն այն հարթակն են, որտեղ պետք է տեղի ունենա քննարկում երկրի զարգացման տեսլականի վերաբերյալ, և ժողովուրդը պետք է ազատ կամարտահայտման հնարավորություն ունենա: Մենք մեզ համարում ենք Արցախի ժողովրդի ազատ կամարտահայտման երաշխավորը»,- ասաց Փաշինյանը: 
Արցախի Հանրապետությունում մարտի 31-ին կայանալիք նախագահական ընտրություններին մասնակցելու հայտ է ներկայացրել 14 թեկնածու. ԱԺ ընտրություններին մասնակցելու հայտ են ներկայացրել 6 կուսակցություն և մեկ դաշինք:




https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ