Գրոսմայստեր Արման Միքայելյանը Պրահայի մրցաշարի առաջատարին զիջում է կես միավորով
15:00, 20 Փետրվար 2020
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Գրոսմայստեր Արման Միքայելյանը շարունակում է ելույթները Պրահայի միջազգային մրցաշարում:
«Արմենպրես»-ի հաղորդմամբ` գրոսմայստեր Արման Միքայելյանը հաղթանակներ տոնեց Պրահայի շախմատի միջազգային 5-րդ և 6-րդ տուրերում։ Խաղացված տուրերից հետո Միքայելյանը վաստակել է 5 միավոր և մրցաշարի երկու առաջատարներից ետ է մնում կես միավորով:
Պրահայի շախմատի միջազգային փառատոնի շրջանակում անցկացվում է 13 մրցաշար՝ 10 շրջանային, 1 բաց մրցաշար, ինչպես նաև արագ և կայծակնային մրցաշարեր։ Փառատոնի գլխավոր Masters մրցաշարին մասնակցում են 10 հանրահայտ գրոսմայստերներ:
Բաց մրցաշարին մասնակցում է 248 շախմատիստ 35 երկրից:
Բաժանորդագրվեք մեր ալիքին Telegram-ում